Kanjoning – Kanjon Nevidio

Kanjon Nevidio se smatra jednim od najneprohodnijih kanjona u Europi. Bio je potpuno neprohodan sve do 1965. godine. Kanjon je karakterističan po uskim klancima, dubokim bazenima i spektakularnim vodopadima koji pružaju nezaboravno iskustvo kanjoninga.. Kanjon Nevidio nalazi se 25 km od Žabljaka i dug je skoro 2 km, na nekim mjestima dubok i preko 450 m.

Kanjoning u Nevidio kanjonu je sjajan način da istražite prirodne ljepote Crne Gore i doživite jedinstvenu avanturu u srcu planinskih vrhova.

Polazak našim terenskim vozilima sa Žabljaka, odnosno Vašeg smještaja u pravcu kanjona Nevidio u 9h. Vožnja do sela Duži u trajanju oko 30 min. Po dolasku na početnu tačku presvlačenje u kompletnu opremu za kanjoning i nakon kratkog opisa kanjona i uputstava ulazak u kanjon.

Kroz kanjon Nevidio protiče reka Komarnica koja je pravo čudo prirode jer je njen ulaz gotovo nevidljiv ljudskom oku. Većina kanjona je u stalnoj sjenci. Na ovom čistom i teško pristupačnom terenu uslovi za vegetaciju su surovi, pa se za kanjon može reći da je pravi dijamant surove prirode raja i pakla u isto vrijeme. Možete da uživate u brojnim skokovima ili spuštanju niz užad u slučaju da ne želite da skačete, i u puno plivanja.

Prolazak kroz kanjon ce trajati od 3-5 sati, ali ćete ga pamtiti cijeli život. Taman kada pomislite da ste gotovi čeka Vas šetnja od 30 minuta.

Na kraju te šetnje Vas opet čeka naš vozač koji Vas odvozi nazad na Žabljak, u restoran na ručak, a potom i nazad na Vaš smještaj.